مشروع تجارة وتوزيع الادوات الكهربائية
قبل بداية اى كلام المشروع ده منقول من احد اصدقاء الصفحة وظائف مصرية ع الفيس بوك
اولاً تم انشاء دراسة جدوي للمشروع وحساب التكاليف الاوليه للمشروع والتكلفة النهائية على المبلغ المتوفر للمشروع وتم مشاركة 3 أشخاص فى المشروع ونصيب كل فرد 100 الف جنية وتم تجميع مبلغ 300 الف جنية على الورق وليس على الطبيعة وتم توزيع العمل كلاتى :
الشخص رقم 1 ::-
قام بالذهاب الى كبري شركات صناعة الادوات الكهربائية مثال السويدي وغيرها وتم عمل مقابلة مع مسئول التسويق بالشركة واذا تبين عدم استطاعة الشركة توفير لهم اى كميات من الادوات الكهربائية بكميات قليلة بالنسبة للمبلغ والمتوفر وقترح المسئول بالتعامل مع التوكيلات التجارية التى تتعامل معهم وفى نفس الوقت تقوم بتغطية الاسواق باسعار لا تقبل المنافسة لانها الوكيل الوحيد للشركة فى المنطقة ومن رابع المستحيل فتح مجال لشركة اخري بمنافسة التوكيل لانهم اصحاب الحق الشرعي فى التوزيع والتسويق للشركات الكبري مثال السويدي وغيرهم وعندما ذهب الشخص الى التوكيلات مثلا فى محافظة كذا وقعد مع مسئول التسويق فى المحافظة دي وقال له نحن مجموعة من الاشخاص نريد انشاء شركة توزيع ادوات كهربائية على المحال وقال له مسئول التسويق الاسعار اللى هتاخد بيها هتتحاسب زيك زي محلات الجملة فى المدن وتاخد خصومات وشرائح خصم على حسب الكمية وبكدة تقدر توزع انت على المحال التجزئة فى المدن التى لا تستطيع الشركة تغطيتها وتقدر تفتح اسواق جديدة فى المناطق النائية وقام الشخص بالفعل بتحديد شريحة من الادوات الكهربائية المطلوبة بالمبلغ المتاح للشراء وكان تقريبا 200 الف جنية وفعلا اخد قائمة بالكميات والاسعار المقترحة على شريحة الخصم وتم حساب كل قطعة بسعر الشراء وسعر البيع مثلا قطعة مفتاح ب 4.30 للشراء و 4.50 للبيع وغيرها من القطع والادوات والاسلاك بنفس الطريقة .
الشخص رقم 2 ::-
قام بعمل دراسة للاسواق على تلك العريضة التى قام بها الشخص رقم 1 ونزل الاسواق وعرض تلك الاسعار على المحال وتبين القطع والادوات ذات شعبية فى البيع لا يستطيع المنافسة عليها لان السعر اللى اشتري بيه ضعيف جدا وبكدة الشريحة الخصم ضعيفة جدا وتبين ان سعر القطعة المفتاح المبينه بالاعلى يستلمها بائع التجزئة ب 4.35 للشراء ويقوم ببيعها ب 4.90 للبيع وبعد اتمام الدراسة على كافة المناطق التى يريد العمل فيها تبين عدم المنافسة نهائى واذا دخل المجال بالمبلغ ده هيخسر كتير .
الشخص رقم 3 ::-
قام بعمل دراسة على فتح اسواق فى المناطق النائية وتبين من تلك الدراسة انه باستطاعته المنافسة بتلك الاسواق ولاكن الطرق (الاسفلت) غير ممهده للسير عليها والكميات المطلوبة ضعيفة جداً شهرياً وبكدة هيخسر مرتبات سواق ومندوب وربح بدون بيع كمية تكفى لتغطية المصروفات .
الدرس المستفاد من هذا الموضوع اى طريق نجاح يبدا من الدراسة وبلاش كلمة جرب مش هتخسر حاجة بدون دراسة حقيقية للسوق واحتياجاته وهل فعلا انت عندك المقدرة على المنافسة فى هذا المجال بلامكانيات المتوفرة لديك
على فكرة الموضوع ده شامل لجميع الافكار والمشاريع يعنى لو عاوز تفتح محل او شركة او مصنع لازم قبل ما تدق مسمار تعمل دراسة هل فعلا المشروع مؤهل انه يدخل فى هذة المنطقة وينافس ويلم مصاريفة ويحقق ارباح يعنى المنتج ده مؤهل لدخول السوق ده وهل السوق محتاجه وهل تقدر تنافس فى نفس المنطقة يبقى علشان تبدا وتنجح شوية ورق وقوم بدارسة شاملة للمشروع واقعد فكر كويس جداا على حساب المبلغ المتوفر هتقدر تنافس بيه لو مش تقدر انزل الى مستوي منخفض وهكذا
تابع جروب "وظائف الحكومية المصرية" على الفيس بوك
للمزيد من فرص العمل الحكومية والخاصة تابع اكبر صفحة نشر وظائف فى مصر على الفيس بوك
متابعة جميع الوظائف الحكومية لحظه بلحظه نزل الان تطبيق وظائف مصرية من سوق جوجل بلاي
