كلايت تانى مرة | البطالة في مصر اختيارية والشباب عازف عن العمل

كلايت تانى مرة | البطالة في مصر اختيارية والشباب عازف عن العمل

نشر بتاريخ اليوم الموافق 8/9/2014 على موقع مصراوي

قال ياسر الشربيني، المتحدث باسم وزارة القوى العاملة، إن الكثير من الشباب عزف عن قبول فرص العمل التي وفرتها الوزارة والتي وصلت لـ 79 ألف وظيفة نظرا لكونها بالقطاع الخاص ولرغبتهم في العمل في القطاع العام.

وأضاف الشربيني في مداخلة هاتفية لبرنامج “صباح أون” المذاع على قناة “أون تي في ” صباح اليوم الاثنين :”من يريد الالتحاق بهذه الوظائف فليأتي لمقر وزارة القوى العاملة بمدينة نصر ويطلع على الوظائف المتاحة، ونحن سنتابع معه لحين استلامه للوظيفة الملائمة لمؤهلاته”.

وأشار المتحدث باسم وزارة القوى العاملة إلى أن البطالة في مصر اختيارية وليست إجبارية، وأن الكثير من الوظائف التي تعلنها وزارة القوى العاملة لا تجد من يشغلها وأن أصحاب الأعمال يضطرون للتقدم للوزارة للمطالبة بعمالة أجنبية.

طيب امس الوزيرة قالت ان الوظائف المتوفرة فى مجال الموارد البشرية بمرتب 3500 جنية والنهاردة انت بتقول فى المصانع يعنى انتم بتصيعوا مثلا ونحن من غير فهلوه فاهمين الحدوته من الاخر يا جماعة القوي العمله كل شوية تنزل على الموقع الرسمي حاجه اسمها النشرة القومية للتشغيل والاعلانات عباره عن 90% خياط عامل سنجر / حياكه / فنى / امن / استكمال نسبة 5% لذوي الاحتياجات الخاصة / كارفور مثلا تبقى منزله اعلان فى النشرة طالبين حوالى 6 يتقدم الاف وتبقى جميع الشركات الكبري طالبين عدد بسيط جدا منها فودافون طالبين خدمة عملاء 3 مثلا والله هذا حدث يبقى معظم الشغل اللى فى النشرة عمال نظافة وفنيين وشغل اى كلام وتلاقى ارقام التليفون غلط ومتلقيش اصلا ارقام تليفون ويقلك روح اقرب فرع للقوي العاملة وهو يوجهك ومن الاجر العمليه مجاملات للشركات للقوي العاملة للاثبات انهم طالبين عمال وطبعا الشئ الغريب تلاقى المرتب كام بقه 500 جنية اقسم بالله معظم الاعلانات 500 جنية والاعلان الوحيد اللى تلاقية من 1000 الى 1200 جنية تلاقيهم طالبين 1 او 2 بالكتير

من الاخر انتم نصابين وكذابين

ومعلومة كمان من ضمن حصول المصانع على قرار جلب عامل اجنبى انه يتقدم الى القوي العاملة بشروط طلب عمال بس بشروط تعجيزية مثلا المرتب 500 جنية ليه بقه محدش فاهم علشان صاحب المصنع ده انسان خسيس فبيعمل الحركة دي علشان ياخد موافقة جلب عماله اجنبية والله المرتب بتاع العامل الاجنبي ما بيوصل 900 جنية بالاكل والشرب وبيشتغل 12 او 14 ساعة من غير حتى ما يقول اى

وطبعا لما تيجي تكلم صاحب المصنع يقلك والله العامل المصري سكلي بمعنى الكلمة النهاردة غايب بكرة حماتى تعبانه بعده ابويا مات وبعده معلش المواصلات وبعده ابن خال امي توفى وهكذا فيعمل ايه صاحب المصنع اللى فى الاصل مصنع سكه وعاوز ناس تشتغل زي العبيد علشان هو يكسب زيادة وطبعا المصانع العملاقة المعروفة فى مصر مبتطلبش وظائف من الاصل لانهم بيلاقوا الناس بتروح لوحدها تقدم بدون اعلانات لان سمعة المصنع كويسة والعامل بياخد حقة تالت ومتلت

ومعلومة كمان شغل الاعلانات على الانترنت 90% نصب واشتغالات تبع شركات توظيف من غير حتى ترخيص يعملون من الباطل والشغل المتوفر لشركات الدعاية الرخيص والتسويق لمنتجات تعبانة ومضروبة وهكذا والله الواحد مش عاوز يتكلم علشان والله لو فى ايدي القرار يلا كفايه كدة وشكراً

بعض عينات النشرة القومية للتشغيل بس العينات دي كويسة بالنسبة للنشرات السابقة مع الرغم وجود وظائف بمرتبات كويسة بس الاكتر بالشكل ده
ومعلومة كل الشغل بتاع الفنادق بيبقى استيفاء نسبة 5% لذوي الاحتياجات الخاصة
يعنى تعينهم من عصب عنهم فاصحاب الفنادق بتقول نودي الشواغر دي للقوي العامله علشان تقول احنا بنوظف اهوو وانا شخصيا رحت فندق من زمااان قبل الثورة لاقيت اصحاب الفنادق بتفضل العامل الاجنبى وكان فعلا ناس كتير شغاليين اجانب نفسي بقى نشغل ولادنا مكان الناس دي واللى مش هيلتزم بالقوانين البلد يمشى
انا عارف اصحاب الفنادق معذورين لانهم مش لاقين الكواد المدربة باللغات والفنيات فى مصر ونرجع ونقول تقصير من جهة الحكومة عماله تخرج فى دفعات غير مدربة لسوق العمل بدعوي العدد كبير