بالصور والمستندات فساد بجمله فى تعينات هيئه قناة السويس #بالاسماعليه و تفصيل الشروط لناس معينه وفساد ورشوى فى التعينات وتعينات بالامر المباشر
منشور بتاريخ اليوم 12/10/2014 على صفحة مباشر من الاسماعيلية
=======================================
ورد لنا معلومات ومستندات خطيره بخصوص التعينات فى #هيئه قناة السويس بالاسماعيليه وسوف ننشره لكم على اجزاء لانى الموضوع خطير وكبير :-
البدايه كانت للأعلان رقم 5/2013 الذى كان يطلب مهندسين وكان من شروط الاعلان أن يكون المتقدم مجموعه لا يقل عن 70%
الى انه بعد انتهاء الاعلان قد قام المهندس/ علاء عزت بعمل اعلان داخلى لأبناء العاملين بمجموع 65% حتى يعينوا ناس معينه من ابناء المديرين
وعلى فكرة 65 % دي متعملتش من ايام رئيس الهيئه المهندس عزت عادل
و بعد ذلك عملوا اختبار الانجليزى وده كان أول الطريق حتى يعينوا اللى على مزجهم هما حيث قام الاستاذ سعيد راغب مدير مكتب الترجمة بالهيئه بأسقاط المهندسين أصحاب المجاميع الكبيره
و الحاجه الغريبه جدا فى الموضوع أنى احد المتقدمين حاصل على ماجستير من جامعة مانشستر في انجلترا #سقطوا في الانجلش .. يعني بالعقل كده واحد واخد تويفل و وواخد ماجستير وبيناقشه بالانجلش و بيتكلم انجلش وعايش هناك سنتين
يسقط ازاي في امتحان الانجلش الاهبل اللي جابوه دة ؟!
وبعد كده حصلت #الكارثه الكبرى تم تعيين المهندس محمد محمود ابراهيم محمد الشاذلى وتم ادخال اسمه ضمن ال12 أسم اللى تم اختيارهم لكشف الطبى النهائى واسمه رقم 12 فى الكشوف كما موضح بالصور
مع انه لم يتقدم من الاساس للمسابقه ولم يخضع لأى اختبار
ولأى الكوسه والفساد زى السرطان فى الهيئه تم ادخال اسمه ضمن الكشوف حتى يتم تعينه
اما الكارثه الثانيه :-
هى تعيين السيد / نبيه صلاح نبيه شومان بألامر #المباشر فى الهيئه بحجه أن الهيئه محتاجه مهندسين والموضوع ده فيه كوكتيل فساد
اولا نبيه ده ابن مدير ادارة الترسانات بالهيئة و اتعين بالامر المباشر عشان والده
مع انى اصلا فية مسابقة شغاله للمهندسين اهو ويقولك نظرا للعجز الشديد للمهندسين فى الهيئة
ثانيا نبيه ده خريج جامعه خاصه وجايب مقبول و عنده 31 سنه والهيئه اخره فى التعيين 27 سنه أما المصيبه الثالثه انى نبيه ده كان عليه قضيه غسيل أموال وسدد هو وأبوه 15 مليون جنيه حتى يطلع منها
كل ده واتعيين بالأمر المباشر
وسوف نكشف لكم العصابه المسئوله عن التعيينات فى هيئه قناة السويس #بالاسماعيليه بشكل مختصر وسوف نكمل لكم البقيه فى الحلقات القادمه ببقيه المستندات وهم :-
المهندس محمد نشأت مدير مكتب الرئاسة , المهندس علاء عزت مدير شئون العاملين , صلاح العصلوجي , مدام هدي غازي سكرتيرة مكتب شئون العاملين و سعيد راغب مدير مكتب الترجمة
هنبدأ بصلاح #العصلوجى وده موظف كبير فى شئون العاملين بالهيئه وده يعتبر رأس كبيره فى فساد التعينات
وهو اساسا من ابو حماد شرقيه وده حكايته #حكايه الراجل ده اتمسك برشوى ايام الفريق فاضل واتعمل ليه قضيه واتشال من شئون العاملين و تم نقله لمكان تانى بعيد عن شئون العاملين
الى انه عن طريق نفوذه فى الهيئه قدر يرجع تانى لشئون العاملين فى عهد مميش ورجع معه فساده والرشوى اللى بيخدها فى التعينات
والغريب انى الراجل ده معين مراتة وبنتة وجوز بنتة و ابنة وخطيبت ابنة وابنة التاني اللي جاي في السكة في هندسه مدني
و معين قرايبة اللي من مكان قبل ابو حماد كدة وكمان ناس تانيه من بره الاسماعيليه و حاجات تانيه كتير .....
معليش يا جماعه #طولت عليكم بس الموضوع كبير جدا والمستندات كتير جدا ولسه هنتكلم على بقيه العصابه والغاء شرط شهاده ميلاد الاسماعيليه وعن هدى عازى سكرتيره رئيس شئون العاملين اللى عينت 4 من اخواتها ومستندات #فساد تعينات بالجمله وفى بلاغات تمت بالفعل والباقى فى الطريق,,,,
وبحذر #شباب الاسماعيليه من كارثه سوف تحدث فى اختبارات #المحاسبين اللى هتتعمل قريب
لانى تم اختيار ناس بالفعل والمجموعه اللى انا قولت عليه دول اللى هيحطوا الاسماء اللى على مزاجهم ومش هتفرق اللجنه اختارات مين لانى الاماكن محجوزه #مسابقا
#شيـــــــــــــــــــــــــر فى الخيـــــــــــــــــــــــــر
حتى تفضح #الفساد الموجود فى هيئه قناة السويس يمكن نقدر نوقفه قبل فوات الاوان
تابع جروب "وظائف الحكومية المصرية" على الفيس بوك
للمزيد من فرص العمل الحكومية والخاصة تابع اكبر صفحة نشر وظائف فى مصر على الفيس بوك
متابعة جميع الوظائف الحكومية لحظه بلحظه نزل الان تطبيق وظائف مصرية من سوق جوجل بلاي
