10 الاف فرصة عمل بمصانع العاشر من رمضان ولم يتقدم اليها احد
قال المهندس صبحى نصر، رئيس شعبة البناء ولجنة الطاقة بجمعية مستثمرى العاشر من رمضان، إن المصانع العاملة بالمنطقة الصناعية بالعاشر من رمضان تواجه أزمة كبيرة فى توفير العمالة اللازمة لشغل الوظائف، وقدر صبحى نصر أن إجمالى العمالة المطلوبة فى المنطقة الصناعية بنحو 10 آلاف فرصة عمل.
وأضاف نصر، فى تصريح لـ”اليوم السابع″، أن بعض المصانع إضطرت إلى طبع ملصقات إعلانية وتوزيعها على المساجد والمقاهى والمناطق السكنية لتلقى طلبات الراغبين فى العمل، إلا أن المصانع لم تتلق أية طلبات حتى الآن تستوعب حجم الطلب الموجود بالمصانع، وقال نصر “لو تقدم اليوم 1000 طلب للعمل سيتم تعيينهم فورا، وبمرتبات بحد أدنى لا يقل عن 1200 جنيه، بالإضافة إلى الانتقالات والبدلات المعتادة”.
وأشار نصر إلى أن غالبية المصانع على استعداد لتدريب العمالة غير المدربة على الأعمال الفنية المختلفة، وأن الوظائف المطلوبة يكفى المتقدم لها أن يحصل على الدبلوم، ولا تشترط الوظائف مؤهلات عليا، مشيرا إلى أن المصانع التى تحتاج إلى عمالة فنية موزعة على قطاعات مختلفة تشمل القطاع الغذائى والسيراميك، كما أنها لا تشترط عمالة من مناطق جغرافية محددة.
وأكد رئيس شعبة البناء بجمعية مستثمرى العاشر من رمضان، أن ثقافة العمل فى مصر تحتاج إلى مراجعة، بدليل إحجام الشباب عن التقدم للوظائف الفنية، باعتبار أن هذه الوظائف لا تليق بمؤهلاتهم الدراسية، فى حين أن ثقافة العمل فى بعض البلدان مثل الصين تفرق بين المؤهل الدراسى والوظيفة والأولوية دائما لفكرة العمل دون النظر إلى طبيعته.
وكانت جمعية مستثمرى العاشر من رمضان طلبت من المصانع العاملة بالمنطقة الصناعية تقديم تقرير عن عدد العمالة المطلوبة لديهم، وبلغ عدد العمالة المطلوبة لشغل الوظائف نحو 10 آلاف وظيفة.
سيبك من الكلام الهطل ده وتعالا افهم اصل الموضوع بالظبط :-
يومياً فى محطات القطار وموقف السيارات وعربات الاجرة يتم توزيع منشورات فى الاسواق التجارية تجد اعلانات توظيف بمصانع العاشر من رمضان تطلب مؤهل وبدون وخبرة وبدون للتعيين بالمصنع باجر مجزي جداً وتوفير المواصلات وتوفير وجبه غذائية للعامل يومياً ويتم تحديد عدد ساعات العمل من 8 الى 10 ساعات يومياً الكلام حلو تعالا نشوف اصل الموضوع
اولاً الاعلان بيكون طلبين مؤهلات متوسطة وبدون يعنى ايه يعنى عوزين عمال تفرز او تقف على خط سير تمام مفيش مشكلة بس المؤهل الدبلوم محتاج يشتغل وظيفة فنية غير عامل فرز لان الشغلانه دي بتحتاج ناس معندهاش مؤهل خالص مش مهم تعالا نشوف المرتب بيبقى كام 1200 جنية على الاقل زي ما الكلام اللى فوق بيوضح تمام بس اللى مش موضحة ان ده كل اللى بيحصل علية العامل يعنى اصل المرتب 600 جنية او اقل وطبعا الحوافز والافر تايم وحافز الاجادة وغيرة وفى الاخر بياخد ال 1200 جنية بالعافية يعنى لو اشتغل طول الشهر وده طبعا فى ظروف المواصلات اللى زي الزفت صعب وطبعا يقلك هيتم توفير مواصلات من فين من اقرب محطة رئيسية والناس دي بتطلع من بيوتها الساعة 5 الفجر علشان تركب المواصلة دي الساعة 7 مثلا وتوصل المصنع 9 مثلا
تمام لغايت كدة ويقلك عدد ساعات العمل 8 ساعات مثلا خلينا مع قانون العمل وطبعا علشان صاحب المصنع مش يحسب وقت الوجبة والراحة من ال8 ساعات يقلك عندك ساعة راحه تقدر تاكل فيها وتريح ويبقى وصل عدد الساعات فى المصنع 9 ساعات صح كدة حلو قوي يبقى انت طالع من بيت 5 وتبقى فى المصنع 9 وتروح للبيت مثلا 5 تخيل توصل بيتك الساعة كام لو بعيد عن العاشر و90% بيكون بيعد عن العاشر توصل مثلا 7 كويس لا طبعا بيوصل 9 البيت بالله عليكم فيه انسان فى ام البلد دي يقدر يشتغل الشغل بالطريقة دي يعنى يطلع 5 الفجر ويروح البيت الساعة مثلا 8 يعنى بيقعد 15 ساعة بره البيت والله العظيم هو ده اللى بيحصل .
اول حاجة المواصلات زفت والمسافة بعيدة وساعات اللى بتقعد فى المصنع بتوصل الى 11 ساعة او خليها 10 علشان المسئول مش يزعل وتانى حاجة والاهم الوقت اللى بيضيع فى المواصلات كتير قوي والسبب هو ان الطريق واقف اثناء خروج العمال من المصانع فى وقت واحد وطبعا ده مجهود ذهني على العامل ونرجع لاهم حاجة ال1200 دول فى الزمن الاسود ده فى ظل زيادة الاسعار والمواصلات وكل حاجة تقريبا بياخد 40 جنية فى اليوم بيركب من بيته الى موقف اللى واقف فيه الاتوبيس الشركة مثلا رايح جاي 4 جنية وطبعا عاوز يفطر ب 5 جنية ولو بيشرب سجائر او عاوز يشرب حاجة ساقعة او ساخن او يشحن كارت موبايل يعنى يوميا مصاريف شخصية 10 جنية ويتبقى 30 جنية فى ظل الزمن الاسود ده
بالله عليكم فيه عامل يعنى يرضي على نفسة الاهانة فى ضياع وقت وجهد مبذول على مواصلات زي الزفت من والى العاشر وفى نهاية المتمه 30 ملطوش لا يشتغل على المحطة اوفر اخره 7 ساعات ب 70 جنية على الاقل واكل شارب على حساب صاحب العمل غير الدخان (البكشيش) وطبعا لو اشتغل تحت ايد مثلا بلاط او سباك او كهربائى يتعلم مهنة وفى نفس الوقت بياخد 70 جنية يومية وهو فى بلده يبقى مش اتغرب ولا تعب فى قلبه ومعظم سكان العاشر تلاقيهم شغالين فين فى مصر هههههههه ليه علشان عرفين ان شغل المصانع تعب قلب على الفاضى الا فى بعض المصانع المحترمة بدون ذكر اسماء علشان تشتغل فيها عاوز واسطة ومن اهم الشروط للشغل بالمصانع دي تكون من سكان العاشر وهو الشباب ساب البلد وطفش من شوية طبعا من ... ام المسئولين ولاد ..... اللى عمالين يتكلموا على الفاضى وهو شغال فى الحكومة بيقعد 8 ساعات وبيشتغل منهم ساعة او ساعتان يوميا وكل لما تروح تسال علية يقلك فى الحمام معلش اصل بفطر وغيرة ... خلص كلامى لو حد نفسه يضيف التعليقات اسفل الصفحة اكتب ما تشاء
تابع جروب "وظائف الحكومية المصرية" على الفيس بوك
للمزيد من فرص العمل الحكومية والخاصة تابع اكبر صفحة نشر وظائف فى مصر على الفيس بوك
متابعة جميع الوظائف الحكومية لحظه بلحظه نزل الان تطبيق وظائف مصرية من سوق جوجل بلاي
