بسم الله الرحمن الرحيم
أكتب اليكم اليوم معاناة فقراء مصر لهذا الشهر الاسود شهر مارس 2015
بعد طرح وزارة التموين للمنظومة الجديدة فى شهر يوليو 2014 كانت فى البداية تعد من افضل المنظومات التى تحفظ حق الغلابة فى الحصول على المقررات التموينية بطريقة ادميه وبعد مرور كذا شهر ظل المواطن الغلبان يحصل على المقرر بتاعة بشكل محترم ويتنافس علية التجار للحصول على اكبر هامش ربح .
وخلال الفترة الاخيرة خرجت وزارة التموين بطرح السلع الاستراتيجية فى التموين وهي الزيت الى نظام الحر يعنى بتخلى التاجر يشتري زيت حر من السوق ويبيعة على المقرر التموينى وكان هذا القرار للتجار افضل بكثر من الاعتماد على الزيت التموينى الذى يصل اليهم بسعر عالى وكان المثيل فى السوق يباع ع 9 جنية للزجاجة وكانت جملتها 8 جنية وكان حجم الزجاجة لتر كامل وليست 700 جرام وبعد جعل الزيت حر قامت شركات الزيت فى مصر برفع سعر الزيت فى السوق من 95 للكرتونة للتاجر الى 115 جنية بعد دخول تجار التموين فى سحب كميات ضخمة من السوق وبعد ذلك استلم المواطن الزجاجة ب 11 جنية بدلاً من 9.5 وقد ربح التاجر التموينى فى ظل بداية الفرصة مبالغ طائلة تصل فى الزجاجة الواحده 2 جنية مكسب صافى والان يربح 1.5 للزجاجة وفى بداية شهر مارس تراجع العجز ووقف العمل على نظام الزيت الحر وقام التجار باغلاق محلاتهم فى وش المواطنين وحتى الان 60% من المواطنين لم يصرفوا المقرر بتاعهم حتى الان بسبب عدم توافر المقرر ولما تسال يقلك هما حلوا المشكلة بس الان وقت التحصيل بتاع التاجر التموينى ومفيش تموين وبكدة المقرر هيروح على 60% من الناس اللى ملحقتش تاخد التموين فى اول الشهر بسبب عدم وجود زيت قالوا نصبر لما الزيت يتوفر وبعد كدة خدوا صابونة وعمالين يلفوا على التاجر زي الشحاتين والله العظيم شكلهم غلابة طحن الناس دي ربنا يكون فى عونهم .
تصل ربح تاجر التموين ع البطاقة الواحدة خلال فترة حر الزيت الى 15 جنية اضربهم بالميت فى 200 بطاقة تساوي 3000 جنية ربح شهري يا خال التجار دول اتعودوا على الارباح العالية والسرقة وبيعاملوا الناس الغلابة كانهم عبيد عندهم قولنا على النظام الجديد خلاص مفيش ذل بعد الان ولكن رجع تانى لما الغلبان يلف ع زجاجة زيت مش يلاقيها ويصبر وياخد خازوق مغري وفى الاخر مش هياخد تموين واللى لحق خد حلاوة وتونة اول الشهر هو اللى فاز علشان التموين مش فارق معاه اصلا اما الغلابة عاوزة زيت وسكر بس تقله خد حلاوة او صابون يقلك انا عاوز اكل يا عم الحج مش عاوز حلاوة ويمشي ويا عينى كل التجار بقلهم طظ فيكم يا غلابة
نفسي قرار ينشر فى الجرائد الرسمية بفتح قبول طلبات الحصول على تاجر تموينى للشباب والا يتعدي السن الى 35 سنة وبكدة هنضرب الجشع فى مقتل ولما يدخل للشاب 1000 جنية شهري والله ليرقص بيهم مش عاوز 5 الف زي التاجر علشان يقول اصرف ولا مش اصرب ونخلى المواطن سلعة يتنافس عليها التجار بكل احترام
رجعت ريمه للعادة القدمية المواطن الغلبان رجع غلبان تانى وياريت محدش يقول احنا بنتكلم على المشكلة دي علشان مصلحة سياسية نحن ليس مع او ضد نحن مع الغلابة ع طووووووووووول
تابع جروب "وظائف الحكومية المصرية" على الفيس بوك
للمزيد من فرص العمل الحكومية والخاصة تابع اكبر صفحة نشر وظائف فى مصر على الفيس بوك
متابعة جميع الوظائف الحكومية لحظه بلحظه نزل الان تطبيق وظائف مصرية من سوق جوجل بلاي
